വാഹന ഉടമകളുടെ സംഘടന എന്ന നിലയിൽ കേരളത്തിലെ വാഹന ഉടമകൾ നേരിടുന്ന, ചുവടെ നൽകിയിരിക്കുന്ന അടിയന്തിര പ്രാധാന്യം അർഹിക്കുന്ന 6 പ്രശ്നങ്ങളിൽ AVOK നിയമ പോരാട്ടങ്ങളിലേക്കും പ്രവർത്തനങ്ങളിലേക്കും കടക്കുകയാണ്. അതിലേക്ക് താങ്കളുടെ ശ്രദ്ധ ക്ഷണിക്കുന്നു.
ദേശീയ പാത വികസനത്തിന് ചില്ലിക്കാശ് കൊടുക്കാത്ത ഉത്തരേന്ത്യൻ സംസ്ഥാനങ്ങളിൽ നിന്ന് ദേശീയ പാത ടോൾ നിരക്ക് 30 രൂപ മുതൽ ആരംഭിക്കുമ്പോൾ ദേശീയ പാത വികസനത്തിന് 5000 കോടി രൂപ നൽകിയ കേരളത്തിലെ ദേശീയ പാതയിൽ ടോൾ നിരക്ക് തുടങ്ങുന്ന തുടങ്ങുന്നത് തന്നെ 180 രൂപയിൽ നിന്നാണ്. കേരളത്തിലെ വാഹന ഉടമകളെ കണ്ണിൽ ചോരയില്ലാതെ ചൂഷണം ചെയ്യുന്ന NHAI യുടെ വിവേചന നയത്തിനെതിരെ ഹൈക്കോടതിയിൽ .
വാഹന ഉടമകളിൽ നിന്ന് ഭീമമായ GST യും സെസുകളും കഴുത്തറപ്പൻ റോഡ് നികുതിയും ഈടാക്കിയിട്ടും സംസ്ഥാനത്തെ വലിയ നഗരങ്ങളിലും ചെറിയ ടൗണുകളിലും വാഹനങ്ങൾ പാർക്ക് ചെയ്യാൻ ആവശ്യമായ ശാസ്ത്രീയമായ പാർക്കിങ് സൗകര്യം ഏർപ്പാടാക്കാത്ത തദ്ദേശ സ്വയം ഭരണ സ്ഥാപനങ്ങൾക്കെതിരെയും പൊതു മരാമത്ത് വകുപ്പിനെതിരെയും നിയമ നടപടികളുമായി ഹൈക്കോടതിയിൽ
സംസ്ഥാനത്തെ അനുദിനം വർദ്ധിച്ചുകൊണ്ടിരിക്കുന്ന വാഹനാപകടങ്ങൾ പരമാവധി തടയുകയും ജനങ്ങൾക്ക് സുരക്ഷിതമായി യാത്ര ചെയ്യാവുന്ന വിധം റോഡ് സുരക്ഷ ഉറപ്പാക്കുന്നതിനായി പ്രവർത്തിക്കുകയും ചെയ്യുക എന്നത് അസോസിയേഷന്റെ പ്രഖ്യാപിത ലക്ഷ്യങ്ങളിൽ ഒന്നാണ്. ഇൗ ലക്ഷ്യം മുൻനിർത്തിയാണ് ഒരു സംസ്ഥാനതല സമഗ്ര റോഡ് സുരക്ഷാ പദ്ധതി ഞങ്ങൾ ആരംഭിച്ചിട്ടുളളത്. പ്രശ്നത്തിന്റെ മർമ്മം കൃത്യമായി മനസ്സിലാക്കി അത് പരിഹരിക്കാനുതകുന്ന ശാസ്ത്രീയമായ പ്രവർത്തനങ്ങ ളാണ് പദ്ധതിയിൽ ഉൾക്കൊളളിച്ചിട്ടുളളത്. Awareness (ബോധവൽക്കരണം), Arrangements (ക്രമീകരണം), Enforcements (നിയമനടപടികൾ) എന്നിങ്ങനെ മൂന്ന് ഘട്ടങ്ങളുളള പദ്ധതിയാണിത്.
കേരളത്തിൽ നൂറുകണക്കിന് മനുഷ്യരാണ് തെരുവ് നായകൾ റോഡിന് കുറുകെ ചാടിയും കടിക്കാനോടിച്ചും മറ്റുമുണ്ടായ അപകടങ്ങളിൽ മരണപ്പെട്ടത് . ഇരുചക്ര വാഹനങ്ങളാണ് ഏറ്റവുമധികം തെരുവ് നായകളുടെ അക്രമങ്ങൾക്കിരയാകുന്നത്. റോഡ് സുരക്ഷയെകുറിച്ചുള്ള ഞങ്ങളുടെ ആദ്യ ആലോചനയിൽ തന്നെ തെരുവ് നായ ഭീഷണി വിഷയീഭവിച്ചിരുന്നു. തെരുവ് നായകള കൂട്ടത്തോടെ കൊന്നൊടുക്കുകയല്ലാതെ മറ്റൊരു പരിഹാരവും ഈ പ്രശ്നത്തിനില്ല എന്ന വിലയിരുത്തലിന്റെ അടിസ്ഥാനത്തിൽ രൂപം കൊണ്ട പദ്ധതിയാണ് നായ മുക്ത നഗരം.
